Rumah gadang sambilan ruang
salanja kudo balari
sakuaik salampang makan
sadareh budak baimbau
... sandinyo mancakam bumi
gonjong manjulang-julang langik
ka bawah takasiak bulan,taumbuik tamato punai
ka ateh taambun jantan
tampek badiri adaik jo syarak
janjang ameh tanggo suaso
ukie basaluak kiri jo kanan
pucuak ambuang salo manyalo
sansarunuik barangguang tanggo
batilam batatah kondai
bakilek ba camin taruih
cucuan atok labah bainggok
kasaunyo ma ula lidi
tiang panjang nago manggulampai
tonggak tuo rajo badiri
pintu gadang silewang gabang
pintu ketek silewang janggi
pintu tangah tampek manyibuak,tampek nan gadih malapeh pandang
anjuang tinggi 7 macamnyo
1.anjuang perak
2.anjuang suaso
3.anjuang ka amesan
4.anjuang podi
5.anjuang subang-subang
6.anjuang paraduan
7.anjuang paranginan,tampeknyo rajo badiam diri...
Lumbuang baririk di halaman
nan gadang sibayau-bayau
nan manangah sitinjau lawuik
nan ketek sitangguang lapa
tumpuan anak dagang jauah
