Undang-undang Adat Duo puluah Dalam Nagari

Adopun warih nan Bajawek , pusako nan bapegang sajak dulu sampai kini ,
sagarih bapantang hilang , satapak bapantang lupuik , sajak dek niniak moyang kito
Datuak parpatiah nan sabatang jo Datuak katumangguangan Tunggangnyo buliah kito sisiak ,
Pandamnyo buliah kito liek , Jaraminyo buliah kito kisai ,Mambuek undang-undang atau
manyusun undang-undang duo puluah (20) untuak benteng minang kabau , itu pusako nan di tinggakan ,

iyo dek niniak moyang kito ado anam (6)

Manyo nan anam (6)
– cupak usali
– cupak buatan
– kato dahulu
– kato kamudian
– kato mupakaik
– kato pusako

Kato nan anam (6) hilang tigo (3) ,
Timbualah tigo (3) ,
kok hilang cupak usali , timbuakan cupak buatan ,
kok hilang kato dahulu , timbuakan kato kamudian ,
kok hilang kato mupakaik , timbuakan kato pusako.

Anam (6) jadi Sapuluah ,
Ampek (4) jatuah ka adaik ,
anam (6) jatuah kapado pusako,
mangko babeda adat jo pusako ,

manyo ampek (4) nan jatuah ka adaik...?
1. Partamo – Adaik
2. Kaduo – Istiadat
3. Katigo – Adat nan di adatkan
4. Nan Ka ampek – Adat nan sabana adat , yang artinya Islamiyah ,
badirinyo di nan ampek (4) Hadis , Dalil , Kias , Ijmak , itu nan sabanyo adat

Manyo anam (6) nan jatuah kapado pusako...?
1. Partamo – kalau-kalau
2. Kaduo – Baribu kalau
3. Katigo – Bajanjang naiak
4. Ka ampek – Bajanjang turun
5. Kalimo – Undang-undang parmainan alam
6. Nan ka anam – Hukum ijitihat

Sapuluah (10) jadi Duo puluah (20)...
Lapan (8) nan kadi hukum
duo baleh (12) pa Hukumnyo...

Ma nan Salapan (8) kadi hukum...?
1. Partamo – Maliang , maambiak barang tasimpan ,
2. Kaduo – Curi , maambiak harato di lua rumah,
3. katigo – Tikam , artinyo malukoi manusia atau taranak,
4. Kaampek – Bunuah , artinyo mahilangkan nyawo orang atau atau ternak ,
5. Kalimo – Sumbang ,artinyo ba iriang-iriang dengan adiak atau kakak , kamanakan ,dll ,
6. Kaanam – salah , artinyo mambaok istri orang dll , dengan nawaitu yang salah ,,
7. Katutuah – Dago , artinyo Bajenjang naiak , Misal Rakyat manyampaikan sesuatu kapado rajo dengan maksud jahat,,
8. Ka salapan – Dagi , artinyo Batanggo turun , Misal ,rajo manyampaikan sesuatu kapado rakyatnyo (maksud jahat)

Manyo Nan Duo Baleh (12) Kapa Hukumnyo...?
1. Partamo – Talalah , artinyo tampak jauah nyato tumbuahnyo.
2. Duo – Takaja , artinyo ampia-ampia dapek tubuahnyo.
3. Tigo – Takungkuang artinyo ampia-ampia main atau tidur baduo.
4. Ampek – Taikek artinyo dapek barang yang hilang dakek rumahnyo atau paraknyo.
5. Limo – Tatando , artinyo dapek pakaiannyo
6. Anam – Tabeti , artinyo dapek barang nan hilang atau di sakunyo
7. Tujuah – Tacancang , artinyo luko tubuahnyo
8. Salapan – Tarageh , artinyo tapotong rambuik , baju atau sarawanyo
9. Sambilan ¬– Tatambang , artinyo urang masuak salain inyo
10. Sapuluah – Taciak , artinyo urang tapakiak inyo lari
11. Sabaleh – Tatangkok tangan , artinyo sadang berbuat di lua di palak atau dll,,,,,,,,
12. Duo Baleh – Talingkuang di bandua nan ampek , artinyo sadang berbuat di dalam rumah ,dsb

Undang-undang nan salapan (8) itu di bagi Duo (2),
Ampek (4 ) untuak parentah ,
Ampek (4 ) untuak Dubalang dan panghulu.

Undang-undang nan Duo Baleh (12 ) itu di bagi duo (2) ,
Anam (6) jatuah kapado dakwa akhirnyo mambawo kapado sumpah .
Anam (6) jatuah kapado dakwa ,tuduahan bisa-bisa mambawo kapado timbangan ,
salah cotok malintangan , salah awai ma hampehkan....

HUKUMAN
Adopun Undang-undang Nan salapan (8)
jikalau tidak di makan dek undang-undang Duo baleh (12) tidaklah sah ,
salah si panuduah batal dakwa ,muluik taculua ma-amesi ,
kuku tataruang ma-inaian ,jalan tabantang kabatampuah ,
undang lalu mahabisi suruik mahangusi.

Undang-Undang

Undang-undang parmainan alam itu di hukum oleh hukuman ijitihat ,
ketek kayu ketek bahanyo ,
gadang kayu gadang bahannyo ,
takluak nyo kapado luhak,kapado nagari banyak.

Undang-undang parmainan alam itu takluak kapado :
1. Kapado Rajo-Rajo , Tambo namonyo
2. Kapado urang Alim , Palito namonyo
3. Kapado urang banyak , Pakaian pusako namonyo
4. Kapado urang manyalasaian , cupak gantang namonyo
5. Kapado urang perempuan , cupak nan indak buliah lewat,gantang nan indak buliah panuah itu namonyo.
6. Kapado urang kayo , urang malin-malin ,limbago basirakat ,itu namonyo.
7. Kapado urang Mudo , suntiang niniak mamak namonyo.
8. Kapado urang Pandai , ulasan tali sambuangan lidah , itu namonyo.
9. Kapado urang paburuang , parmainan tunjuak , itu namonyo.

Undang-Undang Nagari
Adopun undang-undang dalam nagari iyolah :
Salah cancang mambari bakeh ,
salah awai ma ampehan ,
salah makan mamuntahan,
salah cotok malantiakan ,
salah dakwa bapaikek ,
bata dakwa kalangkapi ,
muluik tacalua ma amesi ,
kuku tataruang ma inai-i ,
undang ilia ma abisi ,
undang suruik ma angusi,walahu walam,,,,,
Salah Dakwa Di makan Cemo :
Jalan tabantang kadi tampuah ,
cupak tagak kadi isi ,
limbago kadituang ,
sasek suruik talangkah kumbali ,
salah ka Tuhan tobat ,
salah ka manusia minta maaf.

Hukum Ijitihat
Ketek kayu , ketek bahanyo ,
gadang kayu gadang bahan pamakaiannyo ,
Batiliak ateh rupo ,
bapandang ateh roman ,
ba ago ateh patuik ,
patuik di makan atau tidak patuik di makan hukum.
Kalau Rajo – Panghulu-Datuak- ,nan basalah ,
Takabau , di hukum dengan adatnyo
Kalau Labai-Urang tuo-Kapalo mudo-Cadiak pandai-
Urang berakal sehat lalu basalah Takambiang .
Kalau urang biaso atau rakyat jelata nan basalah Tasinggang Ayam.
akan tetapi urang cacat nan basalah ,
Ba Abu bagantiak ,
Kuma babasuah ,
di maafkan ,
di barasiahkan dengan do’a ,
atau do’a tolak bala di rumah mereka itu.

untuak zaman sekarang banyak mereka yang hanya tahu dengan undang-undang adat dua puluah, akan tetapi mereka tidak memahami,boleh di lihat disekitar.yang mana untuk menjatuhkan sanksi adat kepada pihak yang bersalah tidaklah berdasarkan atau tidak mengacu lagi kepada undang2 adat 20 ini ,padahal kalau kita pahami dan kita dalami,undang-undang adat duo puluah ini fleksibel dengan undang2 hukum negara kita,.sangat disayangkan emang,,

Mohon maaf atas penulisan kata-kata yang tidak sesuai..
Sicerek di tapi banda
kok rabah tolong tagak kan
kami ketek baru baraja
kok salah tolong pelokan

Wasalam